Máis medidas contra a precariedade laboral e "traballo digno" foron algunhas das reivindicacións coas que os sindicatos alzaron a voz este 1 de maio en O Salnés, con motivo do Día dos Traballadores.
En Vilagarcía a CIG denunciou que "a incorporación das mulleres ao traballo remunerado non veu acompañado dun cambio de modelo social en que o coidado á familia e persoas dependentes sexa asumido e xestionado polas institucións públicas" para poder repartir os traballos de coidados da familia de forma equitativa entre as persoas adultas sen importar o xénero, e que "a resposta á carestía da vida, baixo ningún concepto pode pasar pola contención salarial, nin nos acordos nas mesas de dialogo social, nin nos acordos de negociación colectiva, nin pactos de rendas, nin acordos de convenios que impidan as revisións salariais dacordo co incremetos dos prezos o IPC interanual acumulado", tal e como o sindicato expresou durante a lectura do manifesto.
Ademais, durante a xornada tamén se reivindicou a necesaria "liberdade para Palestina" e o detemento "do xenocidio por parte de Israel".