A Xunta investiu 1,1 millóns para mellorar as infraestruturas turísticas no Salnés
A Axencia de Turismo investiu máis de 1.1 millóns de euros en axudas para a mellora das infraestruturas dos establecementos de aloxamento no Salnés. Estas axudas, das que se beneficiaron máis de 100 establecementos, pretenden potenciar este sector.
O delegado territorial da Xunta, Agustín Reguera, visitou este luns o Hotel Puente de la Toja, de O Grove, un dos establecementos turísticos que se beneficiaron destas axudas. Recibiu máis de 33.700 euros para cofinanciar as obras de illamento das fachadas coas que pretende mellorar a súa eficiencia enerxética.
Reguera destacou que os bos resultados son a consecuencia da excelencia dos empresarios e do traballo que está a facer a Xunta. O delegado territorial lembrou que o obxectivo "é impulsar o turismo en toda a comunidade mediante axudas directas que permiten aos empresarios do sector uns servizos que destacan pola súa calidade".