O Concello de Ribadumia executa melloras no camiño de acceso ao lugar de Outeiro
22 de mayo de 2024 (14:05 h.)
Cun orzamento de 50.000 euros, os traballos dotarán dunha correcta funcionalidade a estrada que será ensanchada
O Concello de Ribadumia executou, ao abeiro do Plan Concellos 2022 da Deputación De Pontevedra, a mellora do camiño de acceso ao lugar de Outeiro, cun orzamento de preto de 50.000 euros.
Os traballos pretenden dar unha adecuada funcionalidade a un camiño de titularidade municipal, o cal se ve afectado por continuos encharcamentos sobre o firme e polo seu escaso ancho que dificulta o paso a vehículos e persoas.
A solución adoptada foi realizar muros de contención en pedra para ampliar o firme asfaltado ata a liña de peche das leiras, tamén pavimetar a zona por onde discorre a nova rede de pluviais, aplicando unha pendente, de tal forma que se dirixan as augas de chuvia cara á rede soterrada de recollida de pluviais de nova creación.