O CPI Julia Becerra Malvar contará con labores de mellora nas súas instalacións
22 de marzo de 2023 (16:24 h.)
Os traballos levaranse a cabo tanto no interiolr como no exterior da contorna do centro
Este mércores, o Concello de Ribadumia recibiu a visita do xefe territorial de Educación da Xunta de Galicia en Pontevedra, César A. Pérez Ares, para revisar as instalacións do CPI Julia Becerra Malvar, onde se pretende facer unha serie de actuacións de mellora, tanto no interior como no exterior da contorna educativa.
Ademais dos representantes de Xunta de Galicia e do CPI Julia Becerra Malvar, a esta cita acudiron o alcalde de Ribadumia, David Castro; a concelleira de Educación, Mar Rey; a concelleira de Servizos Sociais, Sofía Núñez; e a presidenta da ANPA, Gimena Barragán; o director do CPI Julia Becerra Malvar, Jose Antonio Barroso; e o secretario, Daniel Esperón.