Antón Concheiro e Sergio Prieto, dúas pezas máis para o Arosa 2024/2025
09 de junio de 2024 (13:20 h.)
O centrocampista xogará a súa segunda tempada como arlequinado, mentres o canteirán remata a etapa xuvenil onde foi capitán do equipo da División de Honra
Outras dúas renovacións para seguir construíndo o Arosa da tempada 2024/2025. Trátase, neste caso, de Antón Concheiro e Sergio Prieto. O centrocampista coruñés xogará a súa segunda campaña na entidade de Vilagarcía, tras un primeiro ano con importante protagonismo, anotando 4 goles.
Prieto, pola súa banda, remata a etapa xuvenil despois de ter sido capitán no conxunto da División de Honra. Agora, o defensa de 19 anos dá o salto ao primeiro plantel, unha mostra máis da forte aposta do club por xogadores de casa.