O pavillón de Fontecarmoa ultima as súas obras de reparación
O Consello da Xunta de Galicia autorizou a sinatura do convenio de colaboración entre a consellería de Presidencia, Xustiza e Deportes e o Concello de Vilagarcía para colaborar no finaciamento das obras de reparación da estrutura, substitución de cubertas, mellora da envolvente e acondicionamento interior do pavillón polideportivo de Fontecarmoa, cun investimento de 1,6 millóns, dos cales a Xunta de Galicia achegará un total de 350.000 euros.
O resultado desta actuación será un complexo deportivo confortable, seguro e saudable no que rexerán os principios de funcionalidade e seguridade acompañados de criterios de eficiencia enerxética, adaptación climática, racionalidad construtiva, custos moderados e fácil mantemento.
O pavillón de Fontecarmoa acolle, desde hai corenta anos, os partidos e adestramentos dos equipos locais, así como eventos de carácter nacional ou internacional, como é o caso do Torneo EncestaRías, que verán tras verán, achega a Vilagarcía de Arousa os mellores equipos de baloncesto europeo.