O Concello de Meaño iniciou, esta semana, as obras de ampliación, mellora e pavimentación do vial que une a zona de Penaguda coa zona de Morouzos.
A actuación realízase nun tramo de 200 metros. No sur do vial constrúese un potente muro de contención en pedra e, tamén, realizarase o retranqueo de viñedos.
Así, a ampliación deste vial permite mellorar "considerablemente", segundo o Concello, o acceso de vehículos á bodega de viño Attis, así como ao núcleo de poboación da zona de Morouzos.
Esta actuación forma parte da continuidade do Plan de pavimentación que contempla e esta a realizar o goberno local para os diferentes lugares do Concello de Meaño.
A obra está financiada a través do Plan Concellos que ofrece a Deputación de Pontevedra.
