O divulgador cultural e escritor galego, Óscar Gómez Senra, nado en Sanxenxo, presentou este xoves o seu novo libro na libraría Nós, na capital turística. Este libro, nomeado André trata sobre unha acusación de cincuenta anos atrás que axita á familia Fredberg, dous irmáns deciden viaxar de Vedra a Oslo á procura de respostas.
O autor licenciouse en Ciencias Sociais pola Universidade Aberta de Lisboa e, na actualidade, dedícase á divulgación cultural na cooperativa de Santiago Maos Innovación Social. Ten seis obras co seu nome e, xunto a Sandra Senra Gómez, traduciu varios libros de literatura infantil para Kalandraka, como As tres curuxiñas ou Os esqueletos divertidos.
