A principios de febreiro se produciu o primeiro reparto de composteiros en Vilagarcía de Arousa. Así, a Concellería de Medioambiente, que dirixe Diego García, leva xa distribuídos preto de 300 composteiros para uso doméstico. A convocatoria segue aberta e o reparto continuará en setembro. Igualmente, continúa operativo o servizo de préstamo de biotrituradoras. Aqueles que queiran solicitar unha destas cousas poden facelo a través do correo electrónico [email protected]l, o teléfono 617 675 091 e mesmo completando un formulario a través de Google: https://forms.gle/
Así, dende a concellería publicouse unha licitación pública de seguimento de composteiros domésticos de Centros Especiais de Emprego. As empresas interesadas poden presentan ofertas ata o 23 de xullo. Neste sentido, dende o Concello de Vilagarcía anímase os centros de traballo a participar nas campañas de residuos orgánicos, como acaba de facelo o Centro Nacional de Formación de Bamio. Dependente do Instituto Social da Mariña, a institución educativa empezou a procesar todos os seus biorresiduos procedentes da cocina e comedor. Co apoio dos mestres composteiros do concello e a implicación do departamento de Xardins e de Cociña, todos os residuos orgánicos comezarán ser reciclados in situ, para converterse en abono compost, que será utilizado nas zonas verdes do propio complexo.
